Stýrivextir, eða meginvextir Seðlabankans, eru þeir vextirnir sem ráða mestu um aðra vexti í samfélaginu. Í dag eru það vextirnir sem fjármálastofnanir fá fyrir að leggja peningana sína inn hjá Seðlabankanum, bundna í sjö daga.
Af hverju skiptir það máli?
Af því að þetta er ávöxtun sem banki fær án áhættu. Ef hann getur fengið 8 prósent áhættulaust hjá Seðlabankanum þá hefur hann sjaldan ástæðu til að lána sama fé út á lægri vöxtum, því útlán geta tapast en innlán hjá Seðlabankanum ekki.
Meginvextirnir virka því eins og gólf undir öllu vaxtakerfinu.
Þegar þeir hækka færist allt sem stendur ofan á þeim upp með, vextirnir á húsnæðisláninu þínu, á yfirdrættinum, og líka vextirnir sem þú færð greidda á sparnaðinn þinn.
En af hverju er vaxtastigið þá ekki bara lækkað?
Það er af því að þetta er ekki tæki til að gera lán ódýr. Hærri vextir hvetja til sparnaðar og draga úr lántöku, neyslu og fjárfestingu. Það minnkar eftirspurn, og þá hægir á verðhækkunum. Þetta virkar líka í hina áttina, ef það lítur út fyrir að verðbólgan verði of lítil lækkar bankinn vextina.
Markmiðið er alltaf það sama, að verðbólgan sé sem næst 2,5 prósentum, markmiði Seðlabankans.
Ef þú ert með spurningar varðandi fasteignamarkaðinn, sendu mér línu á eða skilaboð á samfélagsmiðlunum.
